سما الحرية

انتظروا النتيجة الرسمية يوم الثلاثاء وبعد كده فكروا في بلدكم وسما الحرية التي نتطلع لها فكروا في مصر الأول قبل ما تفكروا في مرشح معين المسألة مهياش مطش كورة بين الأهلي والزمالك مين يفوز ومين يخسر المسألة مستقبل مصر ومستقبل أخواتك الصغار وولادك من بعدك وحلم أبوك اللي مقدرش يحققه وانت شايف في عنيه من غير ما يتكلم هوا عايز يقولك أيه، حلم الماجدات من أمهات مصر أن ينعموا بالكرامة والعزة فيه ناس كتير قدموا ارواحهم رخيصة من أجل هكذا مباديء مش علشان فلان ولا علان وحرام تذهب تلك الدماء الذكية هباء - فكر الرئيس القادم لو وصل لسدة الحكم ممكن يعمل أيه هل سوف يعجل بالمحاكمات ولا ودن من طين وودن من عجين وهيقولك أن عندنا مهام أهم وأكبر وأنبل من كده بالله عليكم فكروا في مصر وولادكم وأخواتكم وأهليكم والأيثار بالنفس اللي قدموه الشهداء بدمائهم واحنا قاعدين نتراشق بالكلمات على صفحات الانترنت كأننا أعداء فكروا في مصر وتفكيركم راح يهديكم لأختيار الأصلح فكروا في مصر فكروا في سما الحرية