ماتسبونى يارتنى مت

ماتسبونى .. يارتنى مت

وحلمت كأنى مت
وقال حلمت كأنى مت
والحبايب غسلونى
بعد منها كفنونى
والحبايب والقرايب خرجونى
والصوات فى الخارجه واجب
كله بينوح عليا بالخصوص
كل الحبايب
واللى يزعق آه يا بويا
والصغير قال يا جدى
آه يا جدى
كان بودى تبقا عايش
لما تحضر يوم جوازى
امزوجتى تقول يا جوزى
آه يا جوزى
كنت طيب بالسلامه
الله يسامحك
كنا طبعاً زعلانين
اما جارى
على ابن الحيطه
جه عمله الف زيطه
قال يا خويا باعلى صوته
واترمى على النعش يبكى
واللى شده من ايديه
واللى يطبطب عليه
واللى قال اترحم عليه
واللى قاله الصبر واجب
قاله اصبر؟!! صبر ايه؟!!
انت فاكر ان موته مش خساره؟!!
آه يا خويا يا ميت خساره
بس سامعه بيقول فى سره
روح فى داهيه والف غاره
والبنات نازلين صوات
والشباب فردوا الكراسى
والكنب والتكايات
واللى نادى على المآذن
واللى قال قوله لصحابه
فى البلاد النائيه .. او بالميكروفون
واللى قال مات الكبير
اصله طيب امير
واللى بيعدد محاسنى
واللى بيفتش عيوبى
واللى بيقطع فى توبى
واللى قال راجل وشهم
والعيوب صبحت سهام
كل واحد خدله سهم
والسهام فيها اللى صابت
والسهام فيها اللى خابت
اما شاعر جه يعزى
قال امين؟!!
الف رحمه ونور عليه
عنده مبدأ
حب مصر
حب اهله وحب ناسه
والكلام كان هو فاسه
حتى غيطه..كان عقول الفلاحين
كل واحد كان بيحصد من زرعته
كانت فلاحته فكر راقى
كان بيزرع من كلامه
فكر فى العقل الشرقى
كان خزين خبرة سنين
الف رحمه ونور عليه
كل واحد قال آمين
واللى قال كان زهره حلوه
اتقطف قبل الآوان
كنت سامع كل كلمه بس من غير الودان
كنت شايف كل حاجه بس من غير العيون
كنت حاسس كل حاجه بس من غير الحواس
كنت مخلوق شكل تانى
بس مش رجلين وراس
كنت همسه
كنت نسمه
كنت طيف
كنت بسبح فى الهوا
والكون لطيف
كنت اشوف نفسى الحقيقه
مره تانيه
القا نفسى كنت زيف
كنت اشوف الناس وراى
زى اوراق الخريف
باختصار الشيخ دفنى
والجميع بيودعونى بالانين
واللى قاعد جنب قبرى
يقرأ من سورة تبارك
بعدما خلصت ياسين
واللى قال ثبت سؤاله
يا اله العالمين
لما مشيوم
الملايكه قومونى للحساب
يسألونى
والسؤال قد الجواب
قالى :ربك؟
قلت واحد..هو رب العالمين
من رسولك؟
قلت احمد..ابن عبدالله محمد
قالى دينك؟
قلت مسلم..زى كل المسلمين
قالى ارقد..والحساب يوم الحساب
هات جليسه
هو عمله يكون ونيسه
قالى شوف..!!
لو كان ونيسك كان كويس
يبقا عملك كان كويس
راح سيبنى ودنه مشى
او تلاشى مشفتهوش
جه ونيسى فى ابهى صوره
قلت بسم الله تعالى
انت مين؟
قالى عملك
قولت اهلاً
قالى اهلاً مش فاكرنى؟!!
قلت فاكرك
قالى ايوه
اللى يزرع خير هيحصد
وانت زارع خير ح تحصد
اطمئن القبر واسع
انت جيتنا فى دنيا تانيا
دنيا واسعه وفيها جنه
والمطيع لله هيلقى فيها اجر العاملين
بص شوف..!!
بص شوف الارض كوره
زى حبة رمل فى صحراء فسيحه
بص شوف الشمس..!!
زى نقطه فى بحر من غير لون وريحه
بص شوف الدنيا فانيه
واللى فيها كله فانى
اصله محسوب الثوانى
وانت فيها كنت فانى
وانتهيت من دنيا فانيه
وابتديت فى اللانهائى
لا نهائى للزمان
لانهائى للمكان
لانهائى للحدود
لانهائى للخلود
بص شوف..!!
احلى حاجه فى الوجود
قصر لؤلؤ
لسه متشيد جديد
قلت..قولى..حد فيه؟!!
قالى ايوه.. فيه شهيد
قلت مين؟!
اللى محمود اللى فجر سوق ناتانيا
جنبه مظهر...
واللى فجر ملهى ليلى
جنبه شهداء الانتفاضه
جنبهم شهداء حماس
قلت قولى..والقصور النورانيه
الثلاثه دول لمين؟
رد قالى:
اللى فى الاول وفاء
بعدها مسكن دارين
بعدها جنة آيات
قلت نفسى اكون شهيد
قال خلاص الوقت فات
كان يجوز قبل الممات
اللى مات من اجل دينه
مات شهيد
واللى مات من اجل ارضه
مات شهيد
واللى مات من اجل عرضه
مات شهيد
قلت آآآآه كنت نفسى اموت شهيد
رد قالى حد حاشك
كنت فين
كنت فين لما اليهود
قيدوكم بالقيود
عشموكم بالوعود
فرقوكم من سنين
كنت فين
كنت فين لما اليهود
اشتروكم بالخيانه
عيشوكم فى المهانه
علموكم الاستكانه
وانت غرقان من سنين
كنت فين؟!!
كنت فين وانت شايف
اخوك مطرود شريد
كنت فين والقدس بتضيع من ايدكم
ليه مثرتش..وارتضيت عيشة العبيد
ليه مشلتش قنبله تنسف وجودهم
او تفرق شمله وتموت شهيد؟!
كنت فين؟!!
كنت ميت ولا عايش؟
قلت عايش
واللا بحلم انى عايش
قاللى لأ
اوعى تنطق
اوعى تنطق تانى انك كنت عايش
كنت ميت
والا اقولك
لما يخدو كل ارضك
تبقا عايش؟!
والكلاب تنهش فى عرضك
تبقا عايش؟!
لما يبقو مكممينك
تبقا عايش؟!
واليهود بتسب دينك
تبا عايش؟!
انت يابنى كنت خايف
قولت فعلاً انا كنت خايف
علمونا ازاى نخاف
لسه هيكمل كلامه
العيال شدو اللحاف
والمفجأه اذهلتنى
جت مراتى وقومتنى
فوقتنى وقعدتنى..
بحلقت وقالتلى مالك؟
ايه جرالك؟
ساعه بنخبط عليك
والعيال بتنده عليك
كل ده مسمعتناش
انت ميت
قولت ايوه .. كنت بحلم انى ميت
قالوا شئ ميهمناش
قال بيحلم
ياما لسه هتعيش وتحلم
قوم وشوف الشعب ماله
كل واحد خد عياله
كله ماشى لارض سينا
واللى جاى من صنعا والامرات ومكه
واللى من بغداد وسوريا
اللى من لبنان وليبيا
واللى من المغرب وتونس
والجزاير والسودان
الشعوب جمعت شبابها
الشعوب فكت قيودها
والقياده بأيد جنودها
ناويه تطرد اسرائيل
ناويه تطرد الامريكان
يعنى ثوره
قلت نفسى اسمعها تانى
قالو تانى يعنى ايه قالو ثوره
يعنى كل الشعب ثائر
قلت ثوره ضد مين؟
قالوا ضد المفسدين
ضد كل الامريكان
والصهينه اسرائيل
التفت لقيت عيالى
فى سؤال جيه فى بالى
عقل بالى قال دع حلم
قلت ده مش زى حلمى
عقل بالى قالى فعلاً حد علمى
ان مك قد سنك
اما ده حلم الشباب
والشباب مليان طموح
بس مكتوف بالسلاسل
وانفجر رغم الجروح
انفجرت باعلى صوتى
قلت باحلم
صدقونى لسه بحلم
حتى برضه الناس بتحلم
صاحيه تحلم
نايمه تحلم
وللا يمكن عقلى شت
التفت لقيت عيالى
كلهم بيبحلقولى
قولت ليه بتقومونى
ما تسبونى
ما تيسبونى ما كنت نايم
ماتسبونى يا رتنى مت
ماتسبونى يا رتنى مت
ماتسبونى يا رتنى مت ...
*=*=*=*=*=*=*=*=*=*=*=*=*=*=*=*=*
نقلتها لكم..لشدة اعجابى بها
كما اتمنى ان تنال اعجابكم ايضاً
بقلم:د.حسام عز الدين
:**:

أنا إتهيألي يا دكتور حسام لما قريت قصيدتك (ما تزعلش مني) إنك مت من زمان لأن آخر ثورة في مصر كانت ثورة عرابي ولو إني أعتقد إنها كانت حركة جيش برضه لان عرابي كان ظابط. أما الشعب المصري ياروحي عليه شعب امور وهادي ومكان ماتحطه بتلاقيه، اقول ايه يا ناس؟ عصفورة؟؟؟؟؟؟