مين ينفع رئيسا لبيزنطة؟

مره كان ريس بيزنطة بيخطب وبيتكلم عن الحرية والديمقراطية والحراك السياسى وان لازم الناس تنزل وتنتخب وترشح نفسها عشان تتحقق الديمقراطية .. وقبل ما يكمل كلامه واحد من الجماهير..
قال :- والنبى ياريس سؤال واحد ربنا يخليك لينا
رد الريس وقال :- قول ياسيدى اتفضل
سأل الرجل الريس وهو بيتردد ..هو ينفع ياريس المسيحى يبقى رئيس مجلس الشورى ؟
رد الريس :- طبعا ياابنى انت بتقول ايه احنا بنعيش عصر الديمقراطية مفيش فرق بين مسلم ومسيحى
وكمل الريس كلامه عن الديمقراطية ومناخها اللى مالى الجو ، ولكن قبل ما يكمل كلامه قاطعه نفس الراجل مره تانيه وقال :- معلش ياريس ربنا يخليك لينا سؤال كمان وخلاص..
قاله اتفضل ياسيدى
سأل الرجل الريس وقال :- هو ينفع ياريس المسيحى يبقى رئيس وزراء ؟
رد الريس وقال :- امال انا بقول ايه من الصبح يابنى طبعا ياحبيبى ينفع ونص احنا بنعيش الديمقراطية نفسها مفيش فرق بين مسلم ومسيحى ...
وكمل الريس كلامه ولكن مره تانية قاطعه نفس الرجل
وقال :- معلش ياريس انت قلبك كبير اخر سؤال :
رد الريس وقال سيبوه اتفضل ياسيدنا اسأل ...
فسأل الرجل الريس وقال :-
هوينفع ياريس المسيحى يبقى رئيس جمهورية ؟
رد الريس وقال :- ولا مسلم وحياتك