عاوز تموت شهيد

عاوز تموت شهيد ؟

يا تعدى من شارع فيصل .....ياتسوق على الدائرى بالليل
عاوز تموت من الجوع؟
يا تتجوز بنت حلوه غاوية نيو لوك .....يا توقف فى طابور العيش
عاوز تموت من الحصره ؟
ياتتفرج على جلسات مجلس الشعب.....ياتتفرج على تثبيت موظف اجدد منك بالكوسة
عاوز تموت من الغيظ ؟
يا تتفرج على برامج المسابقات على الدش ....ياتتفرج على قنوات الفيديو كليب
عاوز تموت من الزهق ؟
يا تدخل على النت من التليفون ....يا تستنى فى دورك فى عيادة دكتور كبير من غير واسطة
عاوز تموت من الهبل ؟
لا تتفرجع على برامج تفسير الاحلام ....لاتتفرج على برنامج استار اكاديمى
عاوز تموت مخنوق ؟
ياتروح تجدد رخصة عربيتك .... يا تدفع غرمات نفس العربية فى اماكن انت اصلا مارحتهاش
عاوز تموت مفروووس
ياتسمع رد مسئول عن اهمال ما ....ياتقلك انك واحد من شعب لسه مش عارف يمارس الديمقراطية
عاوز تموت مرعووووووب؟
ياتسأل على سعر الشاليه فى مارينا ....يتروح تحللل المياه اللى بنشربها
عاوز تموت مشهور
يا تغنى وصوتك وحش .....يا تعمل نفسك معارض
عاوز تموت مليونير ؟
يا تدى دروس خصوصية لثانوية عامة .... يا تنتج فيلم لهيفاء وهبى
عاوز تموت وراء الشمس ؟
ياترشح نفسك فى انتخابات الرئاسة ....ياتشتم فى الحزب الحاكم
عاوز تموت متنكد ؟
يا تتفرج على قناة الجزيرة ....يا تحاول تفهم ايه الى بيحصل فى العراق
عاوز تموت من الحزن ؟
يا تفكر فى افضل وسيلة للإستفاده من مرتبك ....ياتقنع ولادك بالمذاكرة والتفوق
عاوز بأه تموت فى حالك بطل تعترض على الى بالى بالك!!!!!

عايز تموت من الضحك
يا تتفرج على صاحبنا وهو بيخطب- يا تقرا مقالة لعبير سليمان

أختى العزيزة نسيتى توضحى طيب اللى عايز يموت موته طبعيية يعمل ايه !

يسيب البلد دي ويهاجر بسرعة

ليسيب البلد ويمشى لاما يعمل زى ماهو حاصل دلوقتى يشترى دماغه خاااااااالص