قصيدة شعر: أزمة زيت

بعد مادخت ورحت وجيت
وإديت رشوة وإتهديت
خدت موافقة بصرف الزيت
خدته معايا في يومها البيت
كل الحي إتلموا عليه
قلت إتفضلوا قال يا ريت
نطلي واحد قاللي يا خاين
يومك أغبر ليلتك حوسة
زيت حكومتنا في إيدك باين
كيف وإزاي بقى ليكم كوسة
رد الجمع بسرعة وقالوا
زيت تموين في البيت معناه
إنه لا إما الوزوز خاله
أو له ضهر وسانده معاه
وقف التاني وقال ياإخوانا
هوه جزاء الخاين إيه
قالم لو ما رأفش بحالنا
هنقوم فورا نقضي عليه
وقف التاني وقال يا إخوانا
هوه جزاء الخاين إيه
قالم لو ما رأفش بحالنا
هنقوم فورا نقضي عليه
رد عليهم شيخ متعمم
قال الرحمة يا خلق يا هوه
برضه زمان كان واحد منكم
وإوعو تحاولو في يوم تئذوه
قاللي بسرعة يا إبني إتكلم
لا هياكلوك قبل ما ياكلوه
شعبك برضه حرام يتألم
شافوا الزيت وإزاي يسيبوه
--------
خدت الزيت ودخلت البيت
جري بسرعة بدون إنذار
قالوا أكيد إنت إتجنيت
وقتنا دا مش وقت هزار
واحد قاللي نفسي في حبة
نفسي أدوق الزيت الحار
واللي تقوللي الرب محبة
وانت أكيد هتخش النار
دخلوا ورايا بيطاردوني
يظهر بيني وبينهم تار
دول شتموني ودول ضربوني
ودا بيفكر يضرب نار
خفت أستني عليهم حبة
كانوا يهدوا عليه الدار
وإديتهولهم راحوا شالوني
هتفم يحيا الجار للجار
تأليف: د. وائل نبيل[center][b]

زائر

مش عارفه اقولك ايه يادكتور sunny

رائعة عجبتنى جدا وقرأتها خمس مرات .. كنت سعيدة انها جمعت فى طياتها البعد الإقتصادى والسياسى والإجتماعى ولم تخلو من الإشاره للفساد

توليفه جميلة عجبتنى flower

موضوع: قصيدة أزمة زيت الأحد مارس 02, 2008 11:13 pm

سوف أظل دوما على رأى من أن الشاعر الدكتور العبقرى وائل نبيل أحد الناس الذين قلما تجدهم فهو طبيب وانسان وشاعر وفنان ولاعب شطرنج من الطراز الأول فشكرا له على هديته هذه

أشكر للأستاذة عبير والمهندس عمرو مدحهما للقصيدة ومدح المهندس عمرو لي مدحا شخصيا وأرج منهم مزيد من الإسهامات وأعد المهندس عمرو بتصميم منتدى هندسي ليزيدنا علما بمعلوماته الهندسية الشيقة خاصة وانا على علم بإهتمامه بعلم البيوجيمتري وهو علم تأثير الأشكال الهندسية المحيطة بنا في الأداء البيولجي وطاقة الإنسان. كما أتمنى من الاستاذة الصحفية وكاتبة القصة والشاعرة عبير أن تثرينا بمساهماتها الشخصية خاصة وأنا أعرف مدى روعتها.

» إيه بقى - قصيدة لنجم
» قصيدة شعر: في حينا
» قلم- قصيدة لأحمد مطر