قصيدة كفاح اليتامي

[center][b][b][center]قصيدة كفاح اليتامي
- سحابة فايته ورايحه وجايه
وسايبه في طريقها .. وشوش ما بيرحموش
نازلين علينا .. ولا يهدءوش
بنهرب نحاول نعافر نسافر
ولو عملنا البدع .. ماتهزهوش

- اسواره عليا وما ليها آخر
محاوط علينا ولا حد قادر
يعدي حدوده العظيمه الحصينه
ولو حد ثائر .. وحاول يناور ..
يعدي الحدود المنيعه ويقاتل
هايكتب بدمه مصيره ونهايته
علي سور مدينته .. اللي عايش عشانها
- حياته بسيطه ومافيها هموم
يدندن يحلق .. بياكل ويشرب
ولو شاف خطر .. في لحظه بيهرب

- اتجمع في قلبه شعور بالغضب
عيالوا اللي ماتوا بلا اي سبب
يفكر ويشغل في عقله الضعيف
علي حل جذري يرجعله اهله
وعقله المريض اللي نفسه في آمان
هايوهب حياته ل قتل الجبان

- صاحبنا ده عصفور ضعيف
وواهب حياته لأكله الطفيف
يكرس حياته ل طريق الكفاح
ورايح يواجه هبوب الرياح
يرجع حقوق الجريح اللي راح

- لمح بعينه طيور مجروحين
لمين جناحهم ومدمعين
بيعانوا بيئس وفراق السنين
علي الفرقة والضعف المستكين

- هايجمع مابينهم شعور بالأمل
وان الطيور الجريحه الضعيفة
توحد صفوفها وتجمع جناحها قصاد النسور
ولا يفرق معاها ولا ألف سور
حاسيين ما بينهم بروح الجماعه
وان الجماعه هاتخلق شجاعه
نوحد جهودنا .. نحدد هدفنا
ولو روحنا ثورنا .. نرجع حدودنا
ولو مات منا طير .. يصحاله ألف يطير
يرجع حقوق اللي مات مننا
هانرجع هانرجع .. ولا مين هايهمنا
ندمر بروحنا .. نسور بتزلنا

- وراحوا الغلابه .. يواجهوا الديابة
وعدوا السحابة .. وداسوا السيادة
مجرد ما خطوا حدود العدو
ووصلوا بإرادة لنور الأمل

- هايطلع ما بينهم حمامه شجاعه
وعايزه تكمل لقلب العشش
تخلص .. تدمر علي كل نسر
ووافق عليها شوية حمام .. علي كام يمام

- هايطلع ما بينهم يمامة جريحة
تعارض قرار الحمامة الجريئه
ومش راضية تفضل تكمل كفاح
وترضي بكل اللي وصلوا إليه
ووافق عليها شوية يمام .. علي كام حمام

- وفضلوا يهادوا يعارضوا يطاردوا
وفرق ما بينهم شوية كلام .. ما بين الحمام
ورجعت نسورنا اللي دايره تدمر
وتهجم بقسوه علي جيش الحمام
وداعا لحق الطيور الغلابه
وكل الحكاية بكل بساطه
يضيع من ايديهم حياة الجماعه
ويجمع ما بينهم حياة الندم
شعور بالألم
شعور العدم