مكتبة وائل العلمية
مرحبا بكم في منتدى مكتبة وائل العلمية (علم - متعة - ثقافة)


هذا الموقع ترفيهي يضم أخبارا ومقالات ومواقع لأهم المكتبات والكتب تمكنك من البيع والشراء عبر الموقع كما يضم أيضا أخبارا عن المرأة والجمال وأنشطة أدبية كالقصص والشعر وخلافه
 
الرئيسيةالبوابةمكتبة الصوراليوميةس .و .جبحـثالتسجيلالمجموعاتالأعضاءدخول
قريبا قاموس خوليو عربي أسباني - 150 جنيه                        الآن كتاب دراي شميت (كتاب + سي دي + كاسيت + كراس الحلول) ( Dreyer SChmitt) = 120 جنيه- فقط لدى مكتبة وائل العلمية -إحجز نسختك من الآن خصم 30% لأول100  مشتري
تم بحمد الله تعالى افتتاح مكتبة وائل العلمية فرع 2 المنيا ميدان كلية الآداب برج الفرصة الأخيرة

يتم توزيع كتاب الدكتور عبد العزيز درويش من فرع شلبي بدءا من يوم السبت 26-2 2012

ورد حديثا جميع كتب الدكتور عبد الرحمن مجاهد في الخرسانة باسعار لا تقبل المنافسة مستعدون لطلبات الجملة داخل وخارج مصر
المواضيع الأخيرة
عدد الزوار

منتدى
التبادل الاعلاني
للإعلان
إتصل على
01060242896
01201308908
0862317235
 
بحـث
 
 

نتائج البحث
 
Rechercher بحث متقدم

شاطر | 
 

 دليل المدرس الجديد في كلية الطب

اذهب الى الأسفل 
كاتب الموضوعرسالة
Dr. Wael Nabil
Admin
Admin
avatar

عدد الرسائل : 490
العمل/الترفيه : رئيس مجلس إدارة مكتبة وائل العلمية
السٌّمعَة : 1
نقاط : 623
تاريخ التسجيل : 20/02/2008

لعبة النرد
المستقبل: عارضة

مُساهمةموضوع: دليل المدرس الجديد في كلية الطب   الأربعاء أبريل 23, 2008 3:12 pm

الفصل التاسع: كيف تمتحن الطلاب شفويا؟

يجب ان تفهم بوضوح أهداف الإمتحان الشفوي من وجهة نظر الممتحن، حتى تضع إستراتيجية ملائمة.
الأهداف الرئيسية هى:
أ- أن يبدوالممتحن أذكي من الطالب واكثر لؤما منه وخبثا منه، وأقوى منه في الشخصية.
ب- أن يبدو الممتحن أذكي و أوسع علما من باقي الممتحنين.
ج- أن يثبت الممتحن للطالب أنه حمار وإن معلوماته في الطب زي معلومات القرموطي في الإندماج النووي، حتى لا يفكر في الإعتراض فيما بعد.
د- أن الممتحن يخلص على الطالب بدري بدري علشان يلحق يروح على الغدا
ه- منع الطالب من منافسة الممتحن في البرايفت، خصوصا لو كان طالب الدكتوراه أو السكند بتاع الماجستير.

بعد فهمك الواضح للأهداف يمكنك استخدام هذه النصائح المجربة:
1- ضع الطالب في حجمه الحقيقي وافهمه كويس هو بيكلم مين.
2-كلمه بجفاء ورسمي جدا، خللي دمك خفيف و روش لما تهزر مع باقي الممتحنين عشان يعرف إنكم من طينة تانية. queen
3- كلم بقية الممتحنين وكأن الطالب غير موجود، خصوصا لما تتريق على إيجاباته.
4- حاول أن تسحق الطالب من أول سؤال ليتحقق الهدف وما تضيعش وقت في بقية الإمتحان.
5- إخبط أصعب سؤال عندك في الأول، الواد هيفرفر ومايخدش في إيدك غلوة بعد كده، حتى لو الأسئلة الثانية سهلة.
6- لوقفلت في وشك وما لقيتش غير سؤال سهل ، قوله بطريقة معقدة وملتوية عشان الطالب ما ياخدش باله إنه سهل ويضرب لخمة برضه.
7- إستدرجه لغلطة هايفة، صلحها له برذالة قبل ما يكتشفها، بهدله عليها، وإسأل السؤال اللي بعده بسرعة قبل ما يلحق يصلحها، وبعدين إمسكها له ذلة بقية الإمتحان.
8- لما يقع في نقرة وما يبقاش عارف يطلع، ما تحاولش تساعده، وإسأله سؤال تاني أو إطرده برة.
9- لو بدأ يتكلم بطريقة ممكن توصله للإجابة، قاطعه وقوله: ماتفكرش بصوت عالي أنا عايزالإجابة على طول. Very Happy
10- إستعمل أحيانا بعض الأسئلة اللي ممكن يعرف إجاباتها من نوع:
- انت مش أخدت الحاجات دي في سنة أولى؟
- انت نجحت في ثانوية عامة ازاي؟
- هو الجيل بتاعكم كله كده؟
- إنت أهبل ياله؟
- متأكد إن أبوك مش تربي ومش حانوتي؟
- ولو يعني بعد عمر طويل نجحناك، هتقف قدام الحالة متنح كده برضه؟
- ولو نجحناك مش هيرجعوا يقولوا إنهيار مستوى الطب مسئوليتنا؟
11- أقعد إنت والممتحنين في دايرة حواليه، أو إقعدوا ورا ترابيزة طويلة علشان يفضل يلف شمال ويمين كل ما يتوجه له سؤال فتتلوح رقبته ويطلع من الإمتحان عنده سيرفيكال لوردوزيس. Mad
12- حاول تقعد في الطرف إختار وقت مايكون باصص للمتحن البعيد وإدي له سؤال قصير وسريع، ماتعيدش السؤال مهما حصل.
13- من واجبك تختبر ذكاء الطالب مش بس معلوماته الطبية، إسأله أسئلة من نوع: هل العقم مرض وراثي؟
14- البس نضارة شمس، afro ما تديلوش فرصة يعرف رد فعلك على إجابته لو كانت صح.
15- لو طالب في البكالوريوس قوله بعد مايخلص: بالتوفيق يا ابني، أتمنى أشوفك بخير السنة الجاية!
16- لحماية نفسك من أي فعل يائس من الطالب شوفلك إتنين تمرجية شكلهم سوابق ودايما وقفهم وراك مربعين إيديهم ساعة الإمتحان.
17- إقرأ اسم الطالب في الكشف قبل ما يدخل جيدا، اسمه هو مش مهم، شوف الاسم الثاني والثالث انت تعرفهم ولا لأ.
18- إوع تتنرفز على طالب لو قالك يا أونكل بدل ما يقولك يا دكتور، راجع الاسم كويس ولو معرفتوش حاول تتأكد من اسم أمه وأخواله. بلاش تحرج نفسك مع الزملاء، خد بالك ان الحاجات دي مردودة وهنقعدلك في عيالك وعافيتك.

هذه النصائح الغالية وجدتها على احد اجهزة الكمبيوتر ولا اعرف من مصدرها نرجو من صاحب النصائح ان يخبرنا من هو وان يزيدنا منها.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
دليل المدرس الجديد في كلية الطب
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مكتبة وائل العلمية :: منتدى النكات :: نكات عن الجامعات والتدريس-
انتقل الى: