مكتبة وائل العلمية
مرحبا بكم في منتدى مكتبة وائل العلمية (علم - متعة - ثقافة)


هذا الموقع ترفيهي يضم أخبارا ومقالات ومواقع لأهم المكتبات والكتب تمكنك من البيع والشراء عبر الموقع كما يضم أيضا أخبارا عن المرأة والجمال وأنشطة أدبية كالقصص والشعر وخلافه
 
الرئيسيةالبوابةمكتبة الصوراليوميةس .و .جبحـثالتسجيلالمجموعاتالأعضاءدخول
قريبا قاموس خوليو عربي أسباني - 150 جنيه                        الآن كتاب دراي شميت (كتاب + سي دي + كاسيت + كراس الحلول) ( Dreyer SChmitt) = 120 جنيه- فقط لدى مكتبة وائل العلمية -إحجز نسختك من الآن خصم 30% لأول100  مشتري
تم بحمد الله تعالى افتتاح مكتبة وائل العلمية فرع 2 المنيا ميدان كلية الآداب برج الفرصة الأخيرة

يتم توزيع كتاب الدكتور عبد العزيز درويش من فرع شلبي بدءا من يوم السبت 26-2 2012

ورد حديثا جميع كتب الدكتور عبد الرحمن مجاهد في الخرسانة باسعار لا تقبل المنافسة مستعدون لطلبات الجملة داخل وخارج مصر
المواضيع الأخيرة
عدد الزوار

منتدى
التبادل الاعلاني
للإعلان
إتصل على
01060242896
01201308908
0862317235
 
بحـث
 
 

نتائج البحث
 
Rechercher بحث متقدم

شاطر | 
 

 السادة رافضي الثورة - مقال جديد للدكتور وائل نبيل - جريدة حريتي العدد الأخير

اذهب الى الأسفل 
كاتب الموضوعرسالة
Dr. Wael Nabil
Admin
Admin
avatar

عدد الرسائل : 490
العمل/الترفيه : رئيس مجلس إدارة مكتبة وائل العلمية
السٌّمعَة : 1
نقاط : 623
تاريخ التسجيل : 20/02/2008

لعبة النرد
المستقبل: عارضة

مُساهمةموضوع: السادة رافضي الثورة - مقال جديد للدكتور وائل نبيل - جريدة حريتي العدد الأخير   الثلاثاء مايو 10, 2011 5:26 am

كنت عند الميكانيكي وسألت شابا حوالي أربعة وعشرين عاما عن رأيه في الثورة فقاللي:

أنا الثورة دي ما تهمنيش في حاجة أنا دماغي في شغلي وبس ... قوت يومي

طيب ايه اللي حصل أثناء الثورة؟

الدنيا كانت واقفة منهم لله وما كانش فيه شغل

انت مع الثورة؟

ثورة ايه يا بيه دي ناس شمامة.

بيشموا هيروين؟

لأ بيشموا كلة

بس الكلة غالية

غالية ايه يا بيه ده الربع باتنين جنيه ونص يدهوملك في ازازة حلوة كده

وحلوة الكلة دي يعني بتعمل دماغ؟

بتعمل دماغ زي فردة الكاوتش

وايه رأيك في الصراصير؟

الصراصير دي بتاعة العالم الزبالة

وانت جربت ايه في دول؟

أنا ما فيش حاجة ما جربتهاش

شربت بانجو وحشيش؟

بانجو أعوذ بالله بس الحشيش أيوه

بس انا والحمد لله مبطل بقالي ست وعشرين يوم

كويس ربنا يقدرك وتحليهم سبعة وعشرين

انشاء الله

وانت متجوز؟

كنت خاطب وفسخت ومش ناوي أتجوز تاني

ليه كده؟

علمتني الأدب

موضوع غيرة وبتاع؟

غيرة وهو أنا معقول أغير على واحدة ست ما تولع بجاز

وفسخت ليه؟

خدت واحد جاهز

كانت مفهماك انها بتحبك؟

كانت أحلى حياة وتعالى وصل ماما عند الدكتور آخد العربية وأوصلها مش عارف نروح فين نروح وفي الآخر باي باي

انت عندك عربية؟

كان وبعتها



في نفس اليوم

سمعت خناقة بين أصحاب سيارتين نزل من الأولى شابان ومن الثانية رجلان كبيران في السن لكنهما أشداء

وكان الحق مع الشابين

لكن الرجل الكبير ثار وقال

انتوا خربتوا البلد

خربتوا البلد

و ثار احد الشابين وقال

انت بتتكلم كده ازاي انت بتكلم دكاترة ومهندسين

انت بقى تطلع مين؟

قاله لولا مش عارف ايه كنت عرفتك أنا مين

انتوا خربتوا البلد

ياعم ما تقولش خربنا البلد وما تعرفنا انت مين

لكن الرجل يبدو أنه خجل أن يقول

أو خاف أن يقول

أو استعر أن يقول

لكننا وجدنا شرطيا يسرع تجاهه ( كنا أمام قسم الظاهر) ويحمل عنه بعض الأشياء ويتقدمه في اتجاه منزله



وهكذا يرى الشمامون أن الشمامين هم من قاموا بالثورة

وهكذا يري من فقدوا نفوذهم واصبحوا بلا سعر في سوق الرجال اننا خربنا البلد

المهم أن الشابين بمنتهى الأدب حلا الموقف فحياهم الجنود شكرا يا دكاترة

رجعت الفندق واشتريت في طريقي جريدة المصري اليوم

وقرأت تصريحا لمرتضى مهزوم يقول فيه

أن ما تم ليس بثورة

لأنها لم ينتج عنها أي تغيير سوى الغاء التوقيت الصيفي

وتجميد محافظ قنا

و الراجل أبو جلابية

ضحكت كثيرا من اتفاق الثلاثة على نفس الشئ

وتلاقي مصالحهم في رفض الثورة

وقلت في نفسي

عمار يا مصر وعاشت ثورتك الحرة

جريدة حريتي - 8-5- 2011 ص42

_________________

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
السادة رافضي الثورة - مقال جديد للدكتور وائل نبيل - جريدة حريتي العدد الأخير
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مكتبة وائل العلمية :: المنتدي الثقافي :: المنتدى السياسي-
انتقل الى: